LENNON LEH PAUL
By 140 (2012)
Chhungkaw pakhat hi an
awm a chhungkaw khawsak harsa ve tak ni mah se an hlim theiin an inhmangaih tlang em em a. Pa ber chu
thing zaia eizawng a ni a, a nupui chuan a theih ang angin an huan thlai neih te chu a zuar thin a,
an lak luh chu tam lo mah se Pathian zara an malsawmna dawn a ni tiin an
lungawi tawk hle. Fa pathum an nei a, mipa pahnih leh hmeichhia pakhat an ni, mipa
pahnihte chuan sikul an kal tawh a, a te ber hmeichhia erawh chu kum hnih mi
chauh a la nih vangin a nu nen an la inawm chawt mai a. An fate chu Lennon-a
leh Paul-a te an ni.
An retheih ve em avangin
an unau hian sikula thian siam an harsat em em mai a, kawmtu pawh an nei ngai
meuh lo, hrehawm an ti thei hle a ni, mahse an tum a ruhin an taima em em a. An
zirnaah thiam thei filawr ni lo mah se theih ang tawkin an zir ve thin a, a
rualpawl tawk chu an ni ve thin a.
Nikhat chu an unau zing a te ber Lucy-i chu a
dam lo tlat mai a, kum hnih mi lek a la ni si a, a thih mai an hlau hle a,
doctor kohna tur pawisa an nei bawk si lo. A nu leh pa chuan an fanu chu an
lainat em em a, khuma a mu lai hmel an en chuan
an biangah mittui a tla zawih zawih mai a. An theih ang tawka an enkawl hnuah
pawh that lam a pan thei ta tlat lo mai a. Lucy-i chu a boral ta a.
Lucy-i thih atang
chuan an chhungkua chu a hma angin an hlim thei ta reng reng lo, mahse Pathian
hnenah an tawngtai a “engkim hi Pathianin kan tana tha tura a ruat vek a ni,”
pa ber chuan a ti a.
Kum te a lo liam a
mipa naupangte pawh chu an pawl a lo sang ve zel a, zirna a san zel takah chuan
an tet lai ang ngawtin pawisa an indaih thei ta lo va. College te an kal ve
takah chuan mamawh te a lo tam ve zil a, an tet lai a form ngai ang reng kha a
lo ni thei lova, rualpawl te chu harsa an ti ve thei hle a. An theih ang angin
college an kal loh niah ten an inhlawh ve nawk nawk thin a. Tichuan college chu
harsa tak chungin an zir chhuak ve ta a.
College an zawh hnu
chuan hna tha tak mai an thawk a. An chhungkaw dinhmun chu zawi zawiin a lo
pangai ve tial tial a, a u zawk chu doctor a ni a, a nau chu business lamah a
kal a. Lennon-a chuan damlo leh mi bawrhsawmte a enkawl thin a, a nau Paul-a
thung chu a sumdawnna ngaihtuah turin ram hrang hrangah a zin kual thin a.
Kum eng emaw zat vei
hnu chuan an unau chuan kawppuite an lo nei a, fa duh awm tak tak an nei a. An
chhungkua chu hlim takin an awm ta a.
